Rusiyanın Krasnoyarsk vilayətində özbək müğənninin konserti zamanı Rusiyanın hüquq-mühafizə orqanlarının əməkdaşları zala basqın ediblər.

Senzor.az yerli KİV-ə istinadən bildirir ki, bu barədə Özbəkistan Xarici İşlər Nazirliyi mətbuat xidmətinin rəhbəri Axror Burxanov məlumat verib.

Onun sözlərinə görə, reyd zamanı 8 nəfər Özbəkistan vətəndaşı “Rusiyada olma qaydalarını pozduğuna görə” saxlanılıb. Onlardan 4-nə inzibati cərimə və deportasiya tədbirləri tətbiq edilib, qalan 4-ü isə Krasnoyarsk vilayətində əcnəbi vətəndaşların müvəqqəti saxlanma məntəqəsinə yerləşdirilib.

Özbəkistanın Novosibirskdəki Baş Konsulluğu həmin vətəndaşlara lazımi hüquqi yardımın göstərilməsi üçün tədbirlər görür.