Günəşdə M sinfinə aid güclü partlayış qeydə alınıb.
Bu barədə TASS Rusiya Tətbiqi Geofizika İnstitutuna istinadən məlumat yayıb.
"Oktyabrın 9-da Bakı vaxtı ilə 16:31-də rentgen diapazonunda M2 partlayışı qeydə alınıb", - deyə məlumatda bildirilib.
Qeyd edək ki, Günəşdə partlayışlar rentgen şüalanmasının gücündən asılı olaraq beş sinfə bölünür: A, B, C, M və X. Minimum A0.0 sinfi Yerin orbitində 1 kv.m-ə 10 nVt şüalanma gücünə uyğundur. Növbəti mərhələyə keçərkən güc 10 dəfə artır. Partlayışlar, adətən, Günəş plazmasının emissiyaları ilə müşayiət olunur, hansı ki, onların buludları Yerə çataraq maqnit qasırğaları yarada bilər.
