Dekabrın 28-i günün ikinci yarısında Gürcüstanda zəlzələ baş verib.

Senzor.az yerli KİV-ə istinadən bildirir ki, bu barədə Gürcüstan Milli Elmlər Akademiyası  Yer Elmləri İnstitutunun Seysmik Monitorinq Milli Mərkəzi məlumat yayıb.

Bildirilib ki, zəlzələ Dmanisi şəhərindən 19 kilometr qərbdə, əsasən, azərbaycanlılar yaşayan Məmişli kəndi ərazisində qeydə alınıb.

Yeraltı təkanların gücü 3,8 bal olub.

Dağıntı və ya tələfat barədə məlumat yoxdur.