Bu gün saat 20:00 radələrində "Bakı Metropoliteni" QSC-nin "Nərimanov" stansiyasında 50-55 yaşlarında kişi sərnişin qatar platformaya daxil olan zaman relsin üzərinə düşüb.
Senzor.az bildirir ki, bu barədə "Bakı Metropoliteni" QSC-dən məlumat verilib.
Qeyd olunub ki, qatar maşinisti dərhal əyləci sıxıb, sərnişinin stansiya yolundan çıxarılması üçün əməliyyat planı həyata keçirilib.
"Təəssüf hissi ilə bildiririk ki, sərnişinin həyatını xilas etmək mümkün olmayıb", - məlumatda vurğulanıb.
**
Bu arada məlum olub ki, faciəvi şəkildə ölən şəxs 1968-ci il təvəllüdlü Qulu Rəhim oğlu Məmmədovdur.
Şahidlərin bildirdiyinə görə, həmin şəxs özünü qatarın altına atıb.
Faktla bağlı Nərimanov Rayon Prokurorluğunda araşdırma aparılır.
