Xətai rayonunda yerləşən evlərin birindən oğurluq edilib.
Senzor.az bildirir ki, zərərçəkən polisə müraciətində naməlum şəxsin yaşadığı evdən 9 000 manat nağd pul və 1000 manat dəyərində qızıl-zinət əşyalarını taladığını bildirib.
Xətai Rayon Polis İdarəsi 35-ci Polis Şöbəsi əməkdaşlarının keçirdikləri tədbirlərlə əməli törətməkdə şübhəli bilinən 28 yaşlı Ə.İmanov müəyyən edilərək saxlanılıb.
Araşdırmalarla saxlanılan şəxsin zərərçəkənin qohumu olduğu və oğurladığı pulları şəxsi əyləncəsi məqsədilə xərclədiyi məlum olub.
Faktla bağlı cinayət işi başlanılıb, araşdırmalar davam etdirilir.
