Sumqayıt şəhərində yol-nəqliyyat hadisəsi baş verib.
“Teleqraf” bildirir ki, hadisə şəhərin 47-ci məhəllə adlanan ərazisində qeydə alınıb.
Məlumata görə, hərəkətdə olan “Opel” markalı minik avtomobili sürücünün idarəetməni itirməsi nəticəsində yoldan çıxaraq Paralimpiya kompleksinin ərazisini əhatə edən hasara çırpılıb. Güclü zərbə nəticəsində hasarın bir hissəsi dağılıb.
Qəza zamanı avtomobilə də ciddi ziyan dəyib. Hadisə ilə bağlı araşdırma aparılır, baş vermə səbəbləri dəqiqləşdirilir.
