Rusiyanın Ulyanovsk vilayətində Çelyabinsk - Moskva marşrutu ilə hərəkət edən sərnişin qatarının yeddi vaqonu relsdən çıxıb.
Senzor.az yerli KİV-ə istinadən bildirir ki, bu barədə Rusiya Dəmir Yolları şirkəti məlumat yayıb.
Hadisə Bryandino stansiyası yaxınlığında baş verib. Nəticədə 4-ü uşaq olmaqla, ümumilikdə 23 nəfər xəsarət alıb, həmin sahədə hərəkət müvəqqəti dayandırılıb. Hadisə yerinə оperаtiv xidmətlər cəlb olunub.
Məlumata görə, qatarda təxminən 415 nəfər olub, zərərçəkənlərlə bağlı məlumat dəqiqləşdirilir.
Hadisənin nəticələrinin aradan qaldırılması üçün Ulyanovsk, Buqulma, Sızran və Ruzaevka stansiyalarından bərpa qatarları göndərilib.
