Rusiya Federasiyasının Leninqrad vilayətinin Kirovski rayonunda yerləşən "Sinyavinskaya" quşçuluq fabrikində əcnəbilər arasında kütləvi dava olub.
Bu barədə "Mash na Moyke" "Telegram" kanalı məlumat yayıb.
Bildirilir ki, insidentdə ümumilikdə 60-a yaxın şəxs iştirak edib. Qarşıdurma nəticəsində 20 nəfər müxtəlif dərəcəli bədən xəsarətləri alıb, onlardan yeddisinin səhhəti ağır qiymətləndirilir.
Əlbəyaxa dava zamanı miqrantlar bir-birilərinə daş və ağac parçaları ilə xəsarətlər yetiriblər.
Əraziyə cəlb edilən hüquq-mühafizə orqanlarının əməkdaşları 12 iştirakçını saxlayaraq polis şöbəsinə aparıblar.
Faktla bağlı istintaq aparılır.
