Əfqanıstanın şərqindəki Laqman vilayətində geri qayıtmış əfqan qaçqınlarını daşıyan yük maşınının aşması nəticəsində azı 18 nəfər həlak olub, 30 nəfər yaralanıb.
"Xinhua" agentliyi чəbər verir ki, hadisə Qarğayi rayonunda paytaxt Kabili şərq vilayətləri ilə birləşdirən magistral yolda baş verib. Sürücü idarəetməni itirib və nəticədə yük maşını yoldan çıxaraq aşıb.
Qeyd edilib ki, 10- uşaq və 5-i qadın olmaqla 18 nəfər hadisə yerində həlak olub, 30 nəfər isə xəsarət alıb. Bütün yaralılar yaxınlıqdakı xəstəxanalara çatdırılıb, onlardan bəzilərinin vəziyyəti ağır olaraq qiymətləndirilir.
Araşdırma davam etdirilir.
