Ağdərədə bir neçə nəfərin xəsarət alması ilə nəticələnən yol qəzası olub.
Senzor.az bildirir ki, hadisə rayonun Vəngli kəndində qeydə alınıb.
Belə ki, "Niva" və sərnişin mikroavtobusu toqquşub. Hadisə nəticəsində mikroavtobusun sərnişinləri: 1966-cı il təvəllüdlü Hacıyeva Nərgiz Əmrah qızı, 2011-ci il təvəllüdlü Babayeva Minarə Elnur qızı, 1989-cu il təvəllüdlü Həsənova Həcər Əli qızı, 1984-cü il təvəllüdlü İmanova Raidə Bəxtiyar qızı və 2018-ci il təvəllüdlü İmanov Hüseyn Pərviz oğlu xəsarət alıblar.
Yaralılar Bərdə Mərkəzi Xəstəxanasına çatdırılıblar.
Mikroavtobus sərnişinlərinin tur çərçivəsində Qarabağa gəzməyə getdikləri bildirilir.
Faktla bağlı araşdırma aparılır.
