Ötən gün Abşeron rayonunda ağır yol qəzası baş verib.
“Qafqazinfo” xəbər verir ki, Lökbatan-Qobu yolunda Hüseynov Rauf Ədalət oğlunun idarə etdiyi “Toyota” markalı minik avtomobili ilə Ağaverdiyev Mais Ağahüseyn oğlunun idarə etdiyi “Qazel” markalı yük avtomobili toqquşub. Nəticədə R.Hüseynov və onun avtomobilində olmuş sərnişin Sultanov Bəhruz İlham oğlu aldıqları xəsarətlərdən həlak olublar. Yük avtomobilin sürücüsü M.Ağaverdiyev isə xəsarət alıb.
Fakt üzrə Abşeron RPİ-də Cinayət Məcəlləsinin 263.3-cü maddəsi ilə cinayət işi başlanaraq ibtidai istintaq aparılır.
Məlum olub ki, R.Hüseynov və B. Sultanov futbol məşqçisi kimi Lökbatan və Qobuda yeniyetmələrə məşqlər keçirmişlər. Onlar həm də Qobuda birlikdə avtoyuma məntəqəsi işlədiblər.
Fotoda Rauf Hüseynov
Fotoda Bəhruz Sultanov
