İşğaldan azad edilmiş Xocavənd rayonunun Qızılqaya kəndi ərazisində avqustun mina partlayışı olub.
Senzor.az bildirir ki, bu barədə Daxili İşlər Nazirliyinin, Baş Prokurorluğun və Minatəmizləmə Agentliyinin (ANAMA) Mətbuat xidmətləri birgə məlumat yayıblar.
Qeyd olunub ki, Qazax rayon sakini 1961-ci il təvəllüdlü Elçin Telman oğlu Abbasovun minalardan təmizlənməmiş ərazidə idarə etdiyi buldozer minaya düşüb. Hadisə zamanı xəsarət alan olmayıb.
Faktla bağlı Xocavənd Rayon Prokurorluğunda araşdırma aparılır.
ANAMA, DİN və Baş Prokurorluq bir daha vətəndaşları təhlükəsizlik qaydalarına riayət etməyə, mina təhlükəsi işarələrinin göstəricilərinə diqqətlə yanaşmağa, şübhəli əşyalara toxunmamağa, bələd olmadıqları ərazilərə daxil olmamağa, çəpərləmə fəaliyyəti aparılan ərazilərə müdaxilə etməməyə çağırırlar!
**11:50
Xocavənd rayonunda traktor minaya düşüb.
"Report" xəbər verir ki, hadisə rayonun Qızılqaya kəndində qeydə alınıb.
Məlumata görə, E.Abbasovun idarə etdiyi traktor kənd ərazisində minaya düşüb.
Hadisə nəticəsində texnikaya zərər dəysə də, xəsarət alan olmayıb.
