Tümendən Bakıya uçan “UTair” aviaşirkətinə məxsus sərnişin təyyarəsi texniki nasazlıq səbəbindən Rusiyanın Ufa şəhərində məcburi eniş edib.
Senzor.az yerli KİV-ə istinadən bildirir ki, bu barədə Ural Nəqliyyat Prokurorluğu məlumat yayıb.
Qeyd olunub ki, təyyarə avqustun 12-də yerli vaxtla saat 21:15-də (Bakı vaxtı ilə 20:15) “Ufa” Beynəlxalq Hava Limanına enib.
Məlumata görə, təyyarə normal şəkildə eniş edib.
Hazırda hadisə ilə bağlı yoxlama aparılır.
Qeyd edək ki, bundan əvvəl Batumidən Permə uçan “Red Wings Airlines” şirkətinə məxsus təyyarə də texniki nasazlıq səbəbindən Yekaterinburqun “Koltsovo” hava limanına məcburi eniş etmişdi.
