Göygöl rayonunda qətl hadisəsi baş verib.Senzor.az Göygöl Rayon Prokurorluğuna istinadən bildirir ki, sentyabrın 1-i saat 19 radələrində Çaylı kəndi ərazisində kənd sakini - 1993-cü il təvəllüdlü Ayxan Hüseynlinin öldürülməsi barədə prokurorluğa məlumat daxil olub.
Aparılmış araşdırmalarla müəyyən edilib ki, zərərçəkmiş tanışı, 1986-cı il təvəllüdlü Hüseyn Əsgərov tərəfindən, şəxsi münasibətlər zəminində aralarında yaranmış mübahisə zamanı, bıçaqlanaraq qəsdən öldürülüb.
Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
Hüseyn Əsgərov şübhəli şəxs qismində tutularaq istintaqa cəlb edilib.
Hazırda istintaq davam edir.
