Ermənistanın keçmiş müdafiə naziri David Tonoyan 44 günlük müharibənin şəraitini öyrənmək üçün ölkə parlamentində yaradılan komissiyada dindirilir.

Senzor.az yerli KİV-ə istinadən bildirir ki, hazırda o, sualları cavablandırır.

D.Tonoyan söyləyib ki, 2020-ci ildə hərbi əməliyyatların başlanma vaxtını kimsə proqnozlaşdıra bilməyib.

O bildirib ki, 44 günlük müharibədən əvvəl vəziyyət təhlükəli qiymətləndirilirdi: “Amma kimsə bilmirdi ki, müharibə nə zaman başlayacaq”.

D.Tonoyan qeyd edib ki, 2020-ci il sentyabrın 27-dək Ermənistan silahlı qüvvələrinin döyüş qabiliyyətinin artırılması üçün bütün lazımi tədbirlər görülüb.

Qeyd edək ki, D.Tonoyan hazırda həbsdədir. O, İkinci Qarabağ müharibəsi dövründə ölkənin müdafiə naziri olub.