Türkiyə beynəlxalq ictimaiyyəti İsrailin Qəzza zolağında hərbi əməliyyatının əhatə dairəsini genişləndirmək cəhdlərinin qarşısını almaq üçün qətiyyətli mövqe tutmağa çağırıb.

Senzor.az bildirir ki, Türkiyə Xarici İşlər Nazirliyinin bəyanatında belə deyilir.

"İsrailin baş naziri Benyamin Netanyahu  hökumətinin Qəzza zolağında hərbi əməliyyatların genişləndirilməsi və İordan çayının qərb sahilində qeyri-qanuni məskunlaşma fəaliyyətinin davam etdirilməsi ilə bağlı bugünkü bəyanatları İsrailin beynəlxalq hüquqa açıq-aşkar məhəl qoymamasının və sülh səylərindən tamamilə uzaqlaşmasının növbəti təzahürüdür. Beynəlxalq ictimaiyyət müqəddəs yerləri qorumaq, növbəti təxribatların qarşısını almaq və İsrailin işğal yolu ilə ərazisini genişləndirmək cəhdlərini dayandırmaq üçün qətiyyətli mövqe nümayiş etdirməlidir”, - bəyanatda vurğulanıb.