ABŞ Konqresinin Nümayəndələr Palatasında bir qrup demokrat İlon Maskın Prezident Donald Trampın Administrasiyasından kənarlaşdırılması təşəbbüsü ilə çıxış edib.

Bu barədə “Axios” məlumat yayıb.

“Administrasiyanızdan dərhal ictimaiyyətə açıqlama tələb edirik”, - 77 demokrat məktubunda bildirib.

Məktubda qeyd olunub ki, onlar mayın 30-dək Maskın istefaya getdiyini və bütün qərar qəbuletmə səlahiyyətlərini qanunla nəzərdə tutulmuş qaydada təhvil verdiyi sənədi görmək istəyirlər.

Vurğulanıb ki, Mask öz şirkətlərindən – “Tesla” və “SpeysX”dən əl çəkməyənə qədər əvvəlki mövqeyə qayıda bilməz.

Qeyd edək ki, qanuna görə, ABŞ Hökumətinin Effektivliyi Departamentinə başçılıq edən Mask 130 gündən çox vəzifə tuta bilməz.