
Ermənistan Prezidenti Vaaqn Xaçaturyan Samvel Mkrtçyanın Rusiyaya səfir təyin edilməsi haqqında fərman imzalayıb.
Senzor.az yerli KİV-ə istinadən bildirir ki, sənəd Ermənistan Baş nazirinin təklifi əsasında imzalanıb.
S.Mkrtçyan əvvəllər Ermənistanın Polşa və Livandakı səfiri, eləcə də Avstriya, Çexiya, Macarıstan və Slovakiyada müvəqqəti işlər vəkili vəzifələrində çalışıb.
Qeyd edək ki, bundan əvvəl Ermənistanın Rusiyadakı səfiri Qurgen Arsenyan olub. O həmin vəzifəyə 2024-cü il avqustun 14-də təyin edilmişdi.