“Hizbullah” liderinin qətlindən sonra İranın Ali Rəhbəri Ayətullah Əli Xamenei təhlükəsiz əraziyə təxliyə edilib.

Senzor.az bildirir ki, bu barədə öz mənbələrinə istinadən “Reuters“ məlumat yayıb.

Agentliyin məlumatına görə, Əli Xamneinin olduğu yerdə təhlükəsizlik tədbirləri gücləndirilib. Agentliyin həmsöhbətləri onu da iddia ediblər ki, İran Nəsrullahın ölümü ilə bağlı xəbərlərdən sonra gələcək addımlarla bağlı “Hizbullah” və regiondakı digər müttəfiqləri ilə əlaqə saxlayır.

Qeyd edək ki, bir qədər əvvəl İsrail mediası Şeyx Həsən Nəsrullahın öldürülməsi barədə informsiya paylaşıb.

O da bildirilib ki, “Hizbullah” lideri ilə əlaqə sonuncu dəfə sentyabrın 28-də yaradılıb. İsrailin Beyruta aviazərbələrindən sonra Nəsrullah bir daha tərəfdarları ilə bağlantı qurmayıb.

Hələlik “Hizbullah” öz liderinin ölümünü nə təsdiq, nə də təkzib edib.