Əməkdar artist, görkəmli xanəndə Süleyman Abdullayev dəfn edilib.
Senzor.az xəbər verir ki, mərhum Kürdəxanı qəbristanlığında, ailə məzarlığında torpağa tapşırılıb.
Qeyd edək ki, Dədə Süleyman bu gün 83 yaşında dünyasını dəyişib.
**16:17
Əməkdar artist, görkəmli xanəndə Süleyman Abdullayev ilə Təzəpir Məscidində vida mərasimi keçirilir.
Bu barədə Mədəniyyət Nazirliyindən bildirilib.
Mərhum Kürdəxanı qəbristanlığında dəfn olunacaq.
Qeyd edək ki, Əməkdar artist, görkəmli xanəndə Süleyman Abdullayev 83 yaşında vəfat edib. Bir müddət əvvəl səhhətində ciddi problemlər yaranan xanəndə şəkər xəstəliyindən əziyyət çəkirdi.
Allah rəhmət eləsin!
**11:04
Əməkdar artist, görkəmli xanəndə Süleyman Abdullayev 83 yaşında vəfat edib.
Senzor.az bildirir ki, bu barədə KİV-ə xanəndənin qızı Aygün Abdullayeva məlumat verib.
Süleyman Cümşüd oğlu Abdullayev 1939-cu ildə Füzuli rayonunun Qoçəhmədli kəndində anadan olub. Seyid Şuşinskinin ənənələrini yaşadan xanəndə, eyni zamanda, özünəməxsus ifaçılıq üslubu, oxuma tərzi ilə tanınıb.
Xanəndə oxuduğu muğamlarda klassik şairlərin - Füzulinin, S.Ə.Şirvaninin, Vahidin qəzəllərinə müraciət edərək, xüsusilə vətən haqqında şeirlərə üstünlük verib. Öz sənəti ilə böyük bir elin müdrik ağsaqqalı kimi sevilən xanəndə xalq tərəfindən "Dədə Süleyman" deyə çağırılıb.
2012-ci il sentyabr ayının 14-də Azərbaycan mədəniyyətinin inkişafındakı xidmətlərinə görə Abdullayev Süleyman Cümşüd oğluna “Əməkdar artist” fəxri adı verilib.
Allah rəhmət eləsin!
