"İnsanlar qripə yoluxanda ya evdə oturmalı, ya da vəziyyətdən asılı olaraq xəstəxana şəraitində müalicə almalıdırlar".

Bunu Səhiyyə Nazirliyinin mütəxəssis-eksperti, infeksionist Təyyar Eyvazov deyib. Onun sözlərinə görə, qrip ağır qrupa daxil olan xəstəlikdir və onun ağırlığı, təhlükəliliyi fəsadlarla özünü büruzə verir:

"İlkin ağırlaşmalar xəstəliyin ilk 3 günündə özünü büruzə verir. Bu zaman qrip virusu meningit, əzələlərinin parçalanması və ürək əzələsinin iltihabına səbəb ola bilər. İkinci ağırlaşma isə xəstəliyinin 4-5-ci sutkasında üzə çıxır.

Bu zaman bakterial pnevmaniyalar, orta qulağın, böyrəklərin iltihabı meydana gələ bilər. Qripə yoluxan şəxslər əksər hallarda xəstəliyi yüngül keçirsə də, qripdən ölüm halları da olur. Təbii ki, qripdən ölüm halları koronavirusla müqayisədə azdır”.