Noyabrın 3-də Bakıdakı "Həştərxan İş  Mərkəzi"nin  açıq meydançasında "Rusiya-Azərbaycan Tarla Günü 2022" sərgisi keçirilib.

 "Rusiya-Azərbaycan Tarla Günü" kənd təsərrüfatı texnikasının ixtisaslaşdırılmış sərgisində Rusiyanı 14 müəssisə - Rostselmaş, Klever, Volqa Kombinat Zavodu (AGROMASH), Melinvest, Traktor MMC (URALETS), Kuzembetevski RMZ ASC, Salskselmash MMC, AgroPostavka MMC, Cənubi Ural Çəki Zavodu və başqaları təmsil edib.

Senzor.az bildirir ki, sərgidə Rusiyanın Azərbaycandakı fövqəladə və  səlahiyyətli  səfiri Mixail Boçarnikov, Azərbaycan  kənd  təsərrüfatı  nazirinin  müavini Elçin  Zeynalov,  Rusiya Sənaye Nazirliyinin Kənd  Təsərrüfatı və  Maşınqayırma üzrə  Yol-tikinti  Departementinin  direktoru Mariya  Yelkina, Rusiyanın Azərbaycandakı ticarət nümayəndəsi Ruslan Mirsayapov və  digər rəsmi şəxslər iştirak ediblər.
Tədbirin açılış mərasimi Azərbaycan və Rusiyanın   dövlət himnlərinin səslənməsi ilə başlayıb 

Çıxış edənlər sərginin  keçirilməsində verdiyi dəstəyə görə Azərbaycan tərəfinə,  dövlət qurumlarına, eyni zamanda, öz meydançasını sərgi üçün verdiyinə və özəl təşkilatçılığa görə "Həştərxan İş Mərkəzi"nə minnətdarlıqlarını bildirib, sərginin  işinə  uğurlar arzulayıblar. 

Tədbir  "Həştərxan İş Mərkəzi"nin  könfrans  zalında  dəyirmi  masa  ilə  davam  edib.