"Yuxarı Gövhər Ağa məscidinin bərpası bitmək üzrədir".
Dini Qurumlarla İş üzrə Dövlət Komitəsi sədrinin I müavini Səyyad Salahlı jurnalistlərə açıqlamasında deyib.
S.Salahlı xatırladıb ki, ermənilər işğal dövründə Azərbaycanın 65 məscidindən 63-nü darmadağın ediblər: "İslam dini ilə bağlı atributlar, işarələr tamamilə pozulmuşdu. Məscidləri yanlız bərpa etmirik, həmin ibadət yerlərini həm də əvvəlki görkəminə qaytarıb bəzi yeni əlavələr edirik".
Sədrin birinci müavini qeyd edib ki, işğaldan azad olunmuş ərazilərdə bərpa işləri çoxdan başlayıb: "Yuxarı Gövhər Ağa məscidinın bərpası bitmək üzrədir, Aşağı Gövhər Ağa, Saatlı məscidində və digər məscidlərdə bərpa işləri davam etdirilir. Şuşada çox geniş bərpa işləri həyata keçirilir. Şuşanın əvvəlki görünüşünü geri qaytarmaqla yanaşı həm də yeni siması formalaşdırılır. Ümumiyyətlə Şuşanın bərpası, məscidlərimizin, dini abidələrimizin bərpası əsas məsələlərdən biridir".
