Bakı-Quba yolunda hərəkət tam bərpa olunub.
Senzor.az bildirir ki, bu barədə Baş Dövlət Yol Polisi İdarəsindən məlumat verilib.
**23:12
Həftə sonu dağlıq ərazilərə qar yağışı ilə bağlı olaraq paytaxt sakinlərinin bir çoxu Quba-Qusar və İsmayıllı-Qəbələ istiqmətlərinə səfərlər edib və bu gün axşam saatlarında paytaxt istiqamətində qayıtmaları səbəbindən adıçəkilən yollarda müəyyən sıxlıq müşahidə edilir.
Senzor.az bildirir ki, bu barədə Baş Dövlət Yol Polisi İdarəsindən məlumat verilib.
Məlumata görə, hazırda Baş Dövlət Yol Polisi İdarəsi tərəfindən əlavə qüvvələr də qeyd olunan ərazilərə cəlb edilib.
“Qısa müddətdə hərəkət tam bərpa ediləcək. Qeyd olunan yolda sıxlığın yaranma səbəbi nəqliyyat vasitələrinin çoxluğudur. Başqa hər hansı bir hadisə baş verməyib”, - məlumatda qeyd edilib.
**22:41
Bakı-Quba yolunda nəqliyyat vasitələrinin hərəkətində sıxlıq yaranıb.
APA xəbər verir ki, bu səbəbdən yolda bir neçə saat uzun tıxac müşahidə edilib.
Nəticədə yolun Hacı Zeynalabdin Tağıyev qəsəbəsindən Şabran rayonu ərazisinə qədər tıxac yaranıb.
Yolda qalan sərnişinlərdən biri oxu.az-a bildirib ki, təxminən 3 saatdan artıqdır ki, tıxacda gözləyirlər.
