Ermənistanın Maliyyə Nazirliyinin aparıcı mütəxəssisi olan 65 yaşlı Alisa A. nazirlikdə vəfat edib.
Bu barədə kriminal xəbər saytı olan "shamshyan.com" məlumat yayıb.
Qeyd edilir ki, nazirliyin əsas kadrlarından sayılan qadın bədbəxt hadisə nəticəsində ölüb. Hüquq-mühafizə orqanlarının əməkdaşları müəyyən ediblər ki, 65 yaşlı Alisa pilləkənlərdən düşərkən yıxılıb və başı məhəccərə dəyib. O elə hadisə yerindəcə keçinib.
Meyitə baxış keçirilərkən heç bir zorakılıq əlamətləri aşkar edilməyib. Bununla belə, məhkəmə-tibbi ekspertizası təyin edilib. Faktla bağlı cinayət işi açılıb.(AzVision.az)
