Şuşada bu il velosiped və şahmat yarışları keçirildi. Şahmat yarışları davam edəcək və velosiped yarışlarını da davam etdirmək istəyirik.

Bu barədə müsahibəsində gənclər və idman naziri Fərid Qayıbov deyib.

Nazir qeyd edib ki, Avarçəkmə Federasiyası Suqovuşanda iki beynəlxalq yarış keçirdi.

"İlk yarışa 4 ölkə gəlmişdisə, ikinci yarışa - 5 ay sonra 12 ölkə gəldi. Bu da onu göstərir ki, yarışlar yüksək səviyyədə keçirilir. Düşünürəm ki, Avarçəkmə Federasiyası ambisiyalı federasiyadır və onlar dayanmayacaq, davam edəcəklər, növbəti illərdə ölkələrin sayı da artacaq. Təbii ki, yarışın formatı da inkişaf edəcək. Hər ikisində iştirak etmək şansım oldu. Bəzi yarışların uzunmüddətli olduğunu nəzərə alaraq, Suqovuşanda keçirmək imkanımız yoxdur. Bu səbəbdən digər yarışlar Mingəçevirdə keçirilir. Məsafə uzaq deyil, bunun üçün şərait var. Suqovuşana yaxın bizim Tərtər Olimpiya Kompleksimiz var. Çox müasir bir kompleksdir. İşitrakçılar orada qala bilərlər", - deyə F. Qayıbov əlavə edib.