Demokratik Kürdüstan Partiyası (HDK) Mərkəzi Komitəsinin üzvü Musa Babaxani Ərbildəki bir oteldə ölü tapılıb.
Ovqat.com xəbər verir ki, HDK bu barədə məlumat yayıb.
Məlumata görə, Babaxani 2 gün əvvəl 2 iranlı tərəfindən bilinməyən bir yerə qaçırılıb və işgəncələr verilərək öldürülüb. HDK-ın açıqlamasında Musa Babaxaninin cənazəsində işgəncə izlərinin olduğu qeyd edilir.
1981 -ci il təvəllüdlü Musa Babaxani 1999 -cu ildən HDK üzvü idi, 17. qurultayında Mərkəzi Komitənin üzvü seçilmişdi.
Hələlik İrandan hadisə ilə bağlı heç bir açıqlama verilməyib.
