Gələn il icbari tibbi sığorta fondunun 2023-cü il büdcəsindən azad olunmuş ərazilərdə mobil hospitalların tikintisi, quraşdırılması və zəruri avadanlıqla təchizatı üçün ayrılacaq vəsait məlum olub.
Bu, Prezident İlham Əliyevin bu gün imzaladığı “İcbari tibbi sığorta fondunun 2023-cü il büdcəsi haqqında” fərmanda əksini tapıb.
Fərmana əsasən, bu istiqamətə 3 000 000,0 manat ayrılması nəzərdə tutulur.
Eyni zamanda fərmana görə, icbari tibbi sığorta fondunun 2023-cü il büdcəsindən azad olunmuş ərazilərdə mobil hospitalların saxlanma xərcləri üçün 4 000 000,0 manat ayrılacaq.
Bu Fərman 2023-cü il yanvarın 1-dən qüvvəyə minir.
Qeyd edək ki, İcbari tibbi sığorta fondunun 2023-cü il büdcəsinin gəlirləri 2 393 243 970,0 manat, xərcləri 2 393 243 970,0 manat məbləğində təsdiq edilib.
