Bakının Nərimanov rayonunda yanğınla müşahidə edilən partlayış baş verib.
APA bildirir ki, hadisə Əliyar Əliyev küçəsində qeydə alınıb.
Həmin küçədə yerləşən "Sərin" restoranının yaxınlığından keçən qaz borusunda partlayışla müşahidə edilən yanğın başlayıb.
Yanğının söndürülməsi üçün əraziyə FHN-in Dövlət Yanğından Mühafizə Xidmətinin 4 briqadası cəlb edilib.
Alov ətrafa keçməsin deyə restoranın dam örtüyü sökülüb.
Əraziyə "Azəriqaz" İstehsalat Birliyinin əməkdaşları da cəlb edilib.
Yanğın tam söndürülüb.
Təhlükəsizlik məqsədilə polislər tərəfindən küçədə hərəkət dayandırılıb.
