Bakı Şəhər İcra Hakimiyyətinin gücləndirilmiş iş rejimində çalışan kommunal strukturları və digər aidiyyəti qurumlar bu gün gecə saatlarından etibarən yağan qarın küçə, prospekt və piyada səkilərindən, avtobus dayanacaqları və metro stansiyalarının qarşısından təmizlənməsi üçün zəruri tədbirlər görüblər.

Bakı Şəhər İcra Hakimiyyətindən Senzor.az-a bildiriblər ki, şaxtalı hava şəraitində qarın təmizlənməsi və xüsusi təyinatlı texnika vasitəsi ilə yollara duz və kimyəvi maddələrin səpilməsi həyata keçirilib. İşlər səhər saat 05:00-dan etibarən daha da intensivləşib. Bütün gecə ərzində Bakı Şəhər və Rayon İcra hakimiyyətlərin rəhbər nümayəndələri ərazilərdə olub və aparılan işləri nəzarətdə saxlayıblar.

Təmizləmə işləri mərkəzlə yanaşı, Bakıətrafı qəsəbə və yaşayış massivlərində də aparılır.