“İsveç hökuməti ölkədə yeni Atom Elektrik Stansiyalarının tikintisinə imkanlar yaradacaq təklif hazırlayıb”.

Bunu ölkənin baş nazir Ulf Kristersson iqlim və ətraf mühit naziri Romina Purmohtarinin də iştirak etdiyi mətbuat konfransında bildirib. Onun sözlərinə görə, ölkə təcili olaraq elektrik enerjisi istehsalını artırmalıdır:

“Biz daha çox yerdə AES reaktorlarının tikilməsi imkanları üçün müraciət edirik. Belə bir addım İsveçdə eyni vaxtda ondan çox nüvə reaktorunun istismarına qadağa qoyan milli ekoloji məcəllədə dəyişikliyi özündə ehtiva edir. Onlar yalnız üç xüsusi yerdə yerləşdirilməlidir - Forsmark, Oskarshamn və Rinqhals”.

Baş nazir əlavə edib ki, əlavə reaktorlar təkcə bu üç regionda deyil, ölkənin digər regionlarında da peyda olacaq: “Tədbir milli nüvə enerjisi sənayesinin inkişafı ilə bağlı vədlərin yerinə yetirilməsi üçün həlledici addım olacaq”.