"Yardım toplama məntəqələrinə daha geyim göndərilməməsini xahiş edirik".
Bunu Türkiyənin Azərbaycandakı səfiri Cahit Bağçı brifinq zamanı deyib.
O bildirib ki, çünki həddən artıq çox geyim göndərilib və hazırda paylanılması işləri görülür.
"Daha çox qış çadırı, ədyal, qızdırıcı kimi ləvazimatlar göndərilməsini xahiş edirik. Həmçinin pul vəsaiti üçün hesablar açıqlanıb. Yardımları ora göndərmək olar", - səfir deyib.
**14:32
Bu günə qədər Azərbaycandan Türkiyəyə zəlzələ ilə əlaqədar 25 minə yaxın adyal, 441 ton tibbi ləvazimat, 1297 ədəd generator göndərilib.
Bunu Türkiyənin Azərbaycandakı səfiri Cahit Bağçı brifinq zamanı deyib.
O bildirib ki, həmçinin 6240 ədəd qızdırıcı, ümumiyyətlə 737 ton qida məhsulu göndərilib.
Səfir vurğulayıb ki, həmçinin 6240 ədəd qızdırıcı, ümumiyyətlə 737 ton qida məhsulu göndərilib: Özəlliklə Fövqəladə Hallar Nazirliyi və Müdafiə Nazirliyi bütün imkanlarını səfərbər edib və Türkiyənin əmrinə verib. Zəlzələ bölgəsinə ilk çadır və isidicilər Azərbaycandan gətirilmişdi”.
