Malatyada zəlzələ nəticəsində yaralananların sayı 110 nəfərə çatıb.
Bunu ölkənin Fövqəladə Halların İdarə Olunması Agentliyinin (AFAD) rəhbəri Yunus Sezer bildirib.
Onun sözlərinə görə, dağıntılar altından 32 nəfər xilas edilib.
**14:30
Türkiyənin Malatya şəhərinin Yeşilyurd rayonunda bu gün günorta saatlarında baş verən zəlzələ nəticəsində 1 nəfər ölüb, 69 nəfər yaralanıb.
Senzor.az xəbər verir ki, bunu ölkənin Fövqəladə Halların İdarə Olunması Agentliyinin (AFAD) rəhbəri Yunus Sezer bildirib.
**14:22
Malatyada baş verən zəlzələ nəticəsində iki nəfər yaralanıb.
“TRTHaber” xəbər verir ki, bunu Türkiyənin vitse-prezidenti Fuat Oktay bildirib.
Onun sözlərinə görə, yeraltı təkan nəticəsində hələ ki ölən yoxdur.
Vitse-prezident vətəndaşları zədəli binalardan uzaq durmağa çağırıb.
**13:25
Türkiyənin Malatya əyalətinin Yeşilyurt rayonunda 5,6 maqnitudada zəlzələ olub.
Senzor.az xəbər verir ki, bu barədə ölkənin Fövqəladə Halların İdarə Olunması Agentliyi (AFAD) məlumat yayıb.
Zəlzələ yerli vaxtla 12:04-də qeydə alınıb.
**11:27
Kahramanmaraşın Ekinözün kəndində 4,3 bal gücündə zəlzələ baş verib.
Saat 09:19-da baş verən zəlzələnin dərinliyi 7 kilometr olub.
Qeyd edək ki, fevralın 6-da ocağı Türkiyənin Kahramanmaraş şəhərinin Pazarcık rayonunda olan 7,7 maqnitudalı və 9 saat sonra episentri eyni şəhərin Elbistan rayonu olan 7,6 maqnitudalı iki zəlzələ olub.
