Bu gün Qazaxıstanda parlament seçkiləri keçirilir.
Senzor.az yerli KİV-ə istinadən bildirir ki,
Qazaxıstanın sabiq prezidenti Nursultan Nazarbayev də ölkədə keçirilən parlament seçkilərində səsvermə hüququndan istifadə edib.
Qeyd olunub ki, o, paytaxt Astanadakı opera binasında yerləşən seçki məntəqəsinə gedərək səs verib.
Xatırladaq ki, səkkizinci çağırış Milli Məclis əvvəlkilərdən fərqli olaraq qarışıq sistemlə seçiləcək: deputatların 70%-i partiya siyahıları, qalan 30%-i isə birmandatlı dairələr üzrə seçiləcək.
Qazaxıstanın bütün yeddi siyasi partiyası seçkilərdə iştirak etmək üçün öz namizədlərinin siyahılarını təqdim edib.
