"Milli Hidrometeorologiya Xidmətinin məlumatına görə, Bakı və Abşeron yarımadasında şimal-şərq istiqamətli hava kütlələri vasitəsilə ölkəmizə daxil olan toz-dumanı müşahidə olunur. Hazırda Bakı və Abşeronda havada tozun miqdarı normadan 2,5 dəfə çoxdur".Senzor.az bildirir ki, bunu jurnalistlərə açıqlamasında Xidmətin əməkdaşı Gülnarə Abbasova deyib.
Onun sözlərinə görə, peyk görüntülərinə əsasən demək olar ki, havada müşahidə olunan toz hissəcikləri transsərhəd xarakter daşıyır.
G.Abbasova deyib ki, belə tozlu havanın meteoroloji şəraitdən asılı olaraq yaxın iki gün ərzində davam edəcəyi proqnozlaşdırılır.
