Daxili İşlər Nazirliyi Daxili Qoşunların Mətbuat Xidmətinin keçmiş rəisi, ehtiyatda olan polkovnik-leytenant Təranə Məmmədova bu gün səhər saatlarında dünyasını dəyişib.Bu barədə KİV-ə T.Məmmədovanın yaxınları məlumat veriblər.
Məlumata görə, T. Məmmədova bir müddət ağır xəstəlikdən əziyyət çəkirmiş. Mərhum polkovnik-leytenant bu gün səhər saatlarında dünyasını dəyişib. O Yasamal qəbiristanlığında dəfn olunub.
Xatırladaq ki, T.Məmmədova 1992-2013-cü illərdə Daxili Qoşunlarda xidmət edib, sonuncu vəzifəsi Daxili Qoşunların Mətbuat Xidmətinin rəhbəri olub. 2013-cü ildə o, səhhəti ilə əlaqədar ehtiyata buraxılmışdı.
Senzor.az-ın kollektivi gözəl, qayğıkeş insan, peşəkar jurnalist və prinsipial dövlət məmuru Təranə xanım Məmmədovanın vəfatından kədərləndiyini bildirir, yaxınlarına səbir diləyir.
Allah rəhmət eləsin!
