Türkiyə Prezident Rəcəb Tayyib Ərdoğan Yüksək Hərbi Şuranın qərarlarını təsdiqləyib. Senzor.az bildirir ki, qərarlar barədə Prezidentin sözçüsü İbrahim Kalın məlumat verib.
Məlumata görə, general Musa Avsevər Quru Qoşunları komandiri, general Hasan Küçükakyüz isə Hərbi Hava Qüvvələri komandiri təyin ediliblər.
Dəniz Qüvvələri komandiri admiral Adnan Özbalın səlahiyyət müddəti isə 1 il uzadılıb.
Bundan başqa, 44 general və admiralın səlahiyyət müddəti 1 il, 320 polkovnikin səlahiyyət müddəti 2 il müddətinə uzadılıb.
Hazırda 240 nəfər olan general və admiralların sayı 30 avqust 2021-ci ildən etibarən 266-ya yüksələcək.
