Bu gün Azərbaycan Milli İstiqlal Partiyasının qərargahında AMİP, AXP və Ağ Partiya sədrlərinin Fransanın Azəbayacnadakı səfiri Zakari Grosla görüşü keçirilib. AMİP-dən senzor.az-a verilən məlumata görə, görüşdə ölkədə və regindakı mövcud vəziyyət, Ermənistanın üçtərəfli bəyanatlarla üzərinə götürdüyü öhdəlikərin icrası, Fransanın Qarabağ məsələsindəki mövqeyi, Rusiyanın Ukraynaya təcavüzü və eləcə də digər məsələlər geniş şəkildə müzakirə edilib.
Görüşdə AMİP sədri Arzuxan Əlizadə, Ağ Partiya başqanı Tural Abbaslı, AXP sədri Pənah Hüseyn, AMİP sədrinin Beynəlxalq Məsələlər üzrə müavini Elşən Mustafayev, eləcə də səfir Zakari Grosla yanaşı Fransa səfirliyinin Siyasi məsələlər üzrə atteşesi Bruyere-İsnard Teo iştirak ediblər.
Qeyd edək ki, bu, son bir həftə ərzində siyasi partiyaların diplomatik korpusla keçirdiyi ikinci görüşdür. İlk görüş də AMİP qərargahında olmuşdu. Onda partiya rəhbərləri ABŞ-ın Azərbaycandakı səfirnin Siyasi məsələlər üzrə müşaviri xanım Kristine Sinqlə görüşmüşdülər.
