Azərbaycanda bu gün və sabah Ramazan bayramıdır.Senzor.az xatırladır ki, Azərbaycanda Ramazan ayı bu il aprelin 2-də başlayıb. Qafqaz Müsəlmanları İdarəsinin tərtib etdiyi təqvimə əsasən, Əhya (Qədr) gecələri 19, 21, 23 və 27 aprel tarixlərinə təsadüf edib.
Bu gün bayram namazı Göy məscid və Əjdərbəy məscidində saat 09:00-da, Təzə Pir məscidində isə saat 10:00-da qılınacaq.
Qeyd edək ki, Qafqaz Müsəlmanları İdarəsinin (QMİ) sədri şeyxülislam Allahşükür Paşazadə Strasburqda səfərdə olduğundan, bayram namazında iştirak edə bilməyəcək. Ramazan bayramında şeyxülislam Allahşükür Paşazadəni pişnamazda “Təzəpir” məscidinin imamı Hacı Faiz əvəz edəcək.
Onu da qeyd edək ki, Azərbaycanda Ramazan bayramı 1993-cü ildən dövlət səviyyəsində qeyd olunur. Bayramla əlaqədar bu il mayın 2-si və 3-ü ölkədə qeyri-iş günüdür.
Bayramımız mübarək!
