Ermənistanın paytaxtı İrəvanda saxlanılan ASALA terrorçusu Ambik Sasunyan sərbəst buraxılıb. Yerli KİV-in yazdığına görə, bu barədə “Ermənistan” blokunun "feysbuk" səhifəsində paylaşım edilib.
A.Sasunyanın sözlərinə görə, etiraz aksiyasında iştirak edib və polisdən gənclərin niyə saxlanıldığını soruşduğuna görə saxlanılaraq bölməyə aparılıb.
**12:51
İrəvanda keçirilən aksiyalarda ASALA terrorçusu Hampiq Sasunyan saxlanılıb.
Senzor.az yerli KİV-ə istinadən bildirir ki, bu barədə hüquq müdafiəçisi Ruben Melikyan öz “Facebook” səhifəsində yazıb.
Qeyd edək ki, H.Sasunyan 1982-ci il yanvarın 28-də Türkiyənin Los-Ancelesdəki baş konsulu Kamal Arıkanı qətlə yetirib, 2021-ci ilin oktyabrında isə azadlığa buraxılaraq İrəvana qayıdıb.
