Bakının Yasamal rayonunda avtoqəza qeydə alınıb.
APA bildirir ki, hadisə Mətbuat prospektində baş verib.
"Hyundai" markalı avtomobilin sürücüsü sola dönərkən qəfil əyləcdən istifadə edib. Bu zaman yüksək sürətlə hərəkətdə olan "Kia" markalı minik maşını "Hyundai" ilə toqquşub. Digər eyni markalı avtomobil isə "Kia" markalı nəqliyyat vasitəsinə çırpılıb.
Qəza nəticəsində xəsarət alan olmasa da, avtomobillərə ciddi ziyan dəyib.
Hadisə yerinə müvafiq hüquq-mühafizə orqanının əməkdaşları cəlb edilib.
