Adları sentyabrın 14-də Düsseldorfdan Azərbaycana göndərilənlərin siyahısında olan, amma deportasiya prosesindən yayınan azərbaycanlılar polis tərəfindən axtarışa verilib.
Bu barədə “Report”a Şimali Reyn Vestfaliya Daxili İşlər Nazirliyindən bildiriblər.
Vurğulanıb ki, deportasiyadan yayınan Azərbaycan vətəndaşlarının sayı 5-dir. Sentyabrın 13-ü deportasiya ediləcək şəxslərin ünvanlarına baş çəkən polis və miqrasiya idarəsinin əməkdaşları, ikisi bir ailənin üzvü olmaqla, ümumilikdə 5 nəfəri evlərində tapmayıblar.
Qeyd edək ki, sentyabrın 14-də bir qrup azərbaycanlı Almaniyadan deportasiya edilib. Təyyarə axşam saatlarında Bakıya enib və deportasiya edilən Azərbaycan vətəndaşları "Atletlər kənd"inə aparılıblar.
