Xətai rayonunda binalarda liftlərin ehtiyyat hissələrini və zirzəmilərdən keçən elektrik xətlərini oğurlayan şəxs saxlanılıb.
Senzor.az bildirir ki, Bu barədə Daxili İşlər Nazirliyinin Mətbuat xidməti məlumat yayıb.
Qeyd olunub ki, Xətai Rayon Polis İdarəsi əməkdaşlarının keçirdikləri əməliyyat zamanı qeyd edilən hadisələri törətməkdə şübhəli bilinən Elvin Alıyev tutulub.
Araşdırma zamanı onun Xətai rayonu ilə yanaşı paytaxtın digər rayonlarında da analoji hadisələr etdiyi məlum olub.
Qeyd edək ki, saxlanılan şəxsin etdiyi oğurluqların bir neçəsi binalarda quraşdırılan təhlükəsizlik kameraları vasitəsi ilə də görüntülənib.
Faktla bağlı Xətai Rayon Polis İdarəsində Elvin Alıyev barəsində araşdırmalar davam etdirilir. Onun qanunsuz hərəkətlərindən zərərçəkən başqa vətəndaşlar varsa polis orqanlarına müraciət edə bilərlər.
