Bu gün yerli vaxtla saat 16 radələrində İranın şimal-qərbində yerləşən Qərbi Azərbaycan vilayətinin Xoy rayonu ətrafında 4,3 bal gücündə zəlzələ baş verib.
Senzor.az yerli KİV-ə istinadən bildirir ki, bu barədə Tehran Universiteti Geofizika İnstitutunun Seysmologiya Mərkəzindən məlumat veriblər.
Məlumata əsasən, yeraltı təkanların episentri vilayətin Xoy rayonundan 12 km məsafədə yerləşib. Zəlzələnin ocağı 8 kilometr dərinlikdə olub.
Zəlzələ nəticəsində dağıntı və insan itkisi haqda məlumat verilməyib.
Təkanlar Azərbaycanın Naxçıvan Muxtar Respublikasında da hiss olunub.
