Rusiya Şimali Kiprlə hava əlaqəsi yaratmağa və Şimali Nikosiyada (və ya Şimali Lefkoşa - Lefkoşa Türk Bələdiyyəsi) konsulluq məntəqəsi açmağa hazırlaşır.
"İzvestiya"nın məlumatına görə, bu, ilin sonuna qədər baş verə bilər.
"Uçuşların başlanması və məntəqənin açılması diplomatik tanınma demək deyil - bu, Kiprin şimalında yaşayan təxminən 10 min Rusiya vətəndaşına xidmət etmək üçün ediləcək", - deyə nəşrə məlumat verən mənbə qeyd edib.
"Eynilə, Qərb ölkələri adanın şimal hissəsində konsulluq ofislərini açır, onları “ofis” adlandırır və Şimali Kipr Türk Cümhuriyyətində (ŞKTC) yerləşdiklərini qeyd etmirlər. Ankara yalnız ŞKTC-yə uçuşların başlanmasını alqışlayacaq, lakin bu addım çətin ki, Türkiyənin Krımla bağlı mövqeyini dəyişsin", – deyə məlumatda vurğulanıb.
