Ukrayna Prezidenti Volodimir Zelenski qadınların hərbi qeydiyyata alınmasının könüllü proseduru haqqında qanun imzalayıb.
UA Portal yazır ki, bunu Ali Radanın saytında yerləşdirilən 6482 nömrəli “Hərbi vəzifə və hərbi xidmət haqqında” qanun layihəsi də sübut edir.
Qanun layihəsi cümə günü, oktyabrın 21-də Ukrayna Prezidenti tərəfindən imzalanıb.
Xatırladaq ki, oktyabrın 7-də Ali Rada qadınların hərbi qeydiyyata alınmasının könüllü proseduru haqqında qanun layihəsini ikinci oxunuşda və ümumilikdə qəbul edib.
Bildirilir ki, Müdafiə Nazirliyi tərəfindən təsdiq edilmiş siyahıda müəyyən edilmiş müvafiq hərbi ixtisasa və ya peşəyə malik olan qadınlar öz xahişləri ilə hərbi qeydiyyata götürülürlər.
