"İtaliyanın qardaşları" Partiyasının lideri Corca Meloni İtaliyanın yeni Baş naziri kimi and içib.
TASS xəbər verir ki, mərasim Quirinal Sarayında keçirilib.
Hökumət başçısı ilə birlikdə daha 24 nazir and içib və onlardan 6-sı qadındır. Yeni kabinetin tərkibinə bu il sentyabrın 25-də keçirilmiş parlament seçkilərində qalib gələn sağ mərkəzçi koalisiyaya daxil olan “İtaliyanın qardaşları”, “Liqa” və “İrəli, İtaliya” partiyalarının nümayəndələri daxildir.
