Ukraynanın rus işğalçılarından yenicə azad edilmiş ərazilərində torpaqdan minə yaxın cəsəd çıxarılıb.
Bu barədə Ukraynanın Müvəqqəti İşğal Olunmuş Ərazilərin Reinteqrasiyası Nazirliyinin mətbuat xidməti məlumat yayıb.
Qeyd edilir ki, İtkin Düşmüş Şəxslərin İşləri üzrə Müvəkkilin Aparatı işğaldan yenicə azad edilmiş əraziləri araşdırır.
"Axtarış işləri nəticəsində artıq minə yaxın həlak olmuş qəhrəmanlarımızın və dinc əhalinin cəsədi çıxarılıb. Xüsusilə, İzyumda 450-yə yaxın cəsəd tapılıb ki, bu da ən böyük kütləvi məzarlıqlardan biri sayılır", - məlumatda deyilir.
Qeyd edək ki, Ukraynada müharibə başlayandan bu günə kimi bir neçə dəfə mülki şəxslər və hərbçilərin gizlin basdırıldığı kütləvi məzarlıqlar aşkarlanıb.
