Türkiyənin Zonquldağ əyalətinin Kilimli rayonunda daş kömür mədənində partlayış baş verib.

“Haber Global”ın məlumatına görə, 4 işçi yaralanıb və onlar xəstəxanaya aparılıb. Onlardan ikisinin vəziyyətinin ağır olduğu bildirilir.

Hadisə yerinə xilasetmə qrupu, polis, tibb işçiləri, Fövqəladə Halların İdarə Olunması Agentliyi (AFAD) əməkdaşları cəlb olunub.

Partlayışın başvermə səbəbi açıqlanmır.