“İsveç NATO-ya daxil olduqdan sonra ölkə ərazisində nüvə silahı yerləşdirməyəcək”.

Bu barədə İsveç Xarici İşlər Nazirliyinin rəhbəri Tobias Billstrom bildirib. Onun sözlərinə görə, Stokholm ərazisində nüvə silahı olmayan qonşuları Danimarka və Norveçdən nümunə götürəcək.

“Bu hələ Mötədil Mühafizəkarlar Partiyasının uzunmüddətli mövqeyidir. Əvvəlki hökumətin təqdim etdiyi ərizənin şərtlərini heç vaxt dəyişmək fikrində deyildik”.

Daha əvvəl İsveçin “Proletären” qəzeti yazıb ki, İsveç NATO-ya qoşulduqdan sonra rəsmi Stokholmun dəfələrlə buna qarşı çıxmasına baxmayaraq, öz ərazisində hərbi bazaların və nüvə silahlarının yerləşdirilməsindən yayına bilməyəcək.